Týnıs jaǵalaýynda mıgranttar mingen qaıyq sýǵa batyp, 61 adam qaza tapty
TÝNIS. QazAqparat – Týnıs jaǵalaýynda afrıkalyq mıgranttar mingen qaıyq sýǵa batyp ketip, 61 adam qaza tapty. Bul týraly jergilikti sheneýnik senbi kúni jarııa etti, dep habarlaıdy QazAqparat Reuters agenttigine silteme jasap.
Ótken demalysta ondaǵan afrıkalyq mıgrant Týnıstiń Kerkenna aralynan Italııaǵa jolǵa shyqqan. Apat 9 maýsymda boldy. Jergilikti bılik kóp adamnyń qaza tapqanyn habarlady.
Azamattyq qorǵanys qyzmetiniń qyzmetkeri Morada Mehrıdiń aıtýynsha, qazirgi ýaqytta jaǵalaý kúzeti 61 adamnyń denesin tapqan, sonyń ishinde bala da bar.
Ótken jyly 86 afrıkalyq mıgrant Týnıs jaǵalaýynda qaıyǵy aýdarylyp, sýǵa batqan bolatyn. Mıgranttar mingen qaıyqtyń Lıvııadan Eýropaǵa bara jatqany belgili.
Ókinishke qaraı, mundaı jaǵdaı jıi bolady. Zańsyz mıgranttar qaýipti saıahatqa Eýropada jaqsy ómir súrý úshin jáne jumys isteý úshin barady.
