Týnıs jaǵalaýynda keme apatqa ushyrap, 48 adam qaza tapty
ASTANA. QazAqparat - Týnıs jaǵalaýynda mıgranttar mingen qaıyq sýǵa batyp, kem degende 48 adam qaza tapty. Jaǵalaýdaǵy kúzet 67 adamdy qutqardy, dep habarlaıdy QazAqparat Habar24kz saıtyna silteme jasap.
Mıgranttar arasynda Týnıspen qatar basqa elderdiń azamattary bolǵan. Jergilikti bıliktiń deregi boıynsha, qaıyqta 180 mıgrant bolǵan, sonyń ishinde 80-i Afrıka elderiniń azamattary.
Osy oqıǵaǵa qatysty taraǵan málimetterde, keme sýǵa batyp bara jatqanda, kapıtan jaýapkershilikten qashyp, ony tastap ketken.
