Týnıs jaǵalaýynda bosqyndar mingen keme sýǵa batyp ketti

ASTANA. QazAqparat – Afrıka elderiniń otyz bes mıgranty iz-túzsiz joǵalyp ketti. Olardyń kemesi juma kúni Týnıs jaǵalaýynda apatqa ushyrady, dep habarlaıdy QazAqparat Euronews-ke silteme jasap.

Italııanyń Barı porty qutqarylǵan 190 mıgranttyń Médecins Sans Frontières úkimettik emes uıymynyń kemesin qabyldaýǵa kelisti. Sońǵy táýlikte 1500-den astam zańsyz bosqyn Italııa jaǵalaýyna jetken.

Týnıs bıligi Eýropaǵa bara jatqan afrıkalyq bosqyndardyń taǵy bir kemesin ustaǵanyn aıtty. Ulttyq gvardııa ókili baspasóz máslıhatynda bir táýlikte jaǵalaý qyzmeti 2 034 mıgrant ustaǵanyn, onyń ishinde 9 Týnıs azamaty, sondaı-aq 7 adamnyń máıiti tabylǵanyn málimdedi. Quqyq qorǵaýshylar taǵy bir qaıyq apatqa ushyrap, bes adamnyń qaza tapqanyn jáne 28 adamnyń iz-túzsiz joǵalǵanyn aıtty.