Týnıs 17 qańtarda jańa úkimetke ıe bolady
ASTANA. 17 qańtar. QazAqparat - Týnıs úkimetiniń jańa quramy búgin, 17 qańtarda jarııa etiletin bolady.
Bul týraly el premeri Mohammed Gannýshı memlekettik telearnanyń efırinde málim etti, dep habarlaıdy RBK agenttigi.
«Erteń biz, Týnıs tarıhynyń jańa paraǵyn ashatyn jańa úkimetti jarııa etemiz», - dedi premer óz sózinde. Buǵan deıin Gannýshı, koalıtsııalyq úkimet qurý týraly oppozıtsııalyq saıası partııalardyń usynysyn qabyldaǵan bolatyn. Ol sondaı-aq, eldiń barlyq saıası partııalaryn koalıtsııalyq mınıstrler kabınetin jasaqtaýǵa atsalysýǵa shaqyrdy.
Týnıs parlamentiniń spıkeri Fýad Mebaza 15 qańtarda memleket basshysynyń mindetin ýaqytsha atqarýshy retinde ant qabyldaǵan edi. Týnıstiń Konstıtýtsııalyq keńesi málim etkendeı, prezıdenttik saılaý aldaǵy 60 kúnniń ishinde ótpek.
Esterińizge sala keteıik, 14 qańtarda Týnıste memlekettik tóńkeris bolyp, el prezıdenti Zın ál-Ábıdın Ben-Álı Saýd Arabstanyna qashyp ketken edi.
