Tuńǵyshbaı Jamanqulovtyń densaýlyǵy syr berdi me
ASTANA. QazAqparat - Bıýdjet qarajatyn jymqyrdy degen kúdikpen ustalǵan tanymal akter, prodıýser Tuńǵyshbaı Jamanqulovtyń densaýlyǵy syr berdi.
Eske sala keteıik, kúdikti retinde ustalǵan tanymal akter keshe kepilzatpen bosatylǵan bolatyn, qazirgi kezde Tuńǵyshbaı Jamanqulov úıinde, dep xabarlaıdy QazAqparat tilshisi.
"Tuńǵyshbaı aǵa úıde. Qazirgi kezde jaǵdaıy táýir. Demalyp jatyr. Densaýlyǵy endi... Bilmeımin... Qazir túsiniksiz. Bilmeımin. Aýrýxanaǵa baramyn dedi. Sál kúte turaıyqshy. Aǵaı óz-ózine kelgennen keıin bárin aıtyp beredi. Ázirshe, ton pishýden aýlaq bolaıyqshy", - dedi akterdiń úıine habarlasqanymyzda, telefon tutqasyn kótergen adam. Ol óz atyn aıtýdan da bas tartty.
Aıta keteıik, osyǵan deıin Sybaılas jemqorlyqqa qarsy kúres jónindegi ulttyq bıýro «Tuńǵyshbaı Jamanqulov óz kinásin moıyndady» degen aqparatty da taratqan bolatyn. "T.Jamanqulov shyǵyndy ishinara ótedi jáne onyń qoǵamdaǵy orny, jasy jáne kepilzat tólegeni nazarǵa alynyp, Jamanqulovqa qatysty «kepil» sharasy qoldanyldy. Shynaıy ókinýine baılanysty qylmystyq jaýaptylyqtan bosatý týraly ótinish T.Jamanqulov, N.ıÝdına jáne G. Ysqaqova keltirilgen shyǵyndy tolyq ótegen soń qaralady», - delingen resmı habarlamada.
