Tuńǵyshbaı Jamanqulov sot aldynda jaýap berdi
ALMATY. QazAqparat - Almatyda «Fenıks» fılmin túsirý úshin bólingen memleket aqshasyn jymqyrdy degen aıyp taǵylǵan Tuńǵyshbaı Jamanqulovtyń isi boıynsha jaryssóz bastaldy.
Sottalýshy Tuńǵyshbaı Jamanqulov óziniń qylmys jasaǵanyn moıyndamaı, sýdıadan barlyq aıyptaýlardy alyp tastaýyn surady.
«Ómirimniń osy shaǵynda mundaı jaǵdaıǵa túsemin dep oılamappyn. Bar oıym tek jaqsy fılm túsirý ǵana boldy. Men aqsha jumsaýmen múlde aınalyspadym. Men prodıýser boldym. Prodıýser degenimiz ıdeıalyq jaǵynan jumyldyrýshy adam. Osy jerde otyrǵan meniń tobymda ıÝdınadan basqa eshkim meni aqsha aldy degen joq. Men - aqpyn. Ony sizdiń aldyńyzda, qudaıdyń aldynda aıta alamyn», - dedi T.Jamanqulov.
Aıta ketý kerek, memlekettik aıyptaýshy istiń bas sottalýshysy Tuńǵyshbaı Jamanqulovty 7 jylǵa bas bostandyǵynan aıyrýdy jáne jazany jeńildetetin məselelerdi, aıyptalýshynyń jasyn eskere otyryp, atalǵan merzimdi 2 esege, ıaǵnı, 3 jyl 9 aıǵa qysqartyp, jazasyn shartty túrde taǵaıyndaýdy surady.
Aıta keteıik, tergeý anyqtaǵandaı, «Qazaqfılm» AQ «Fenıks» fılmin túsirý úshin qarajatty «T.K.TURAN UNIVERSAL BUSINESS» JShS-ne aýdarǵan. Qarjy qosalqy merdigerlik uıymdar arqyly atalǵan kompanııanyń quryltaıshysy ári kartınanyń prodıýseri T. Jamanqulovqa qolma-qol berilgen. Qarjyny qoldy qylýǵa «Qazaqfılm» AQ-nyń ekonomıka jáne qarjy jónindegi basqarýshy dırektory G. Ysqaqova men fılmniń atqarýshy prodıýseri N. ıÝdınanyń da qatysy bolǵany anyqtaldy.
Ótken jyldyń 2 qarashasynda atalǵan aqshany jymqyrdy degen kúdikpen T.Jamanqulov ustalǵan bolatyn.
