Tuńǵyshbaı Jamanqulov shartty túrde sottaldy
ALMATY. QazAqparat Almatyda №2 Medeý aýdandyq sýdıasy Táken Shákirov «Fenıks» kınokartınasyna bólingen qarjyny jymqyrdy dep aıyptalǵan kúdiktilerdiń isi boıynsha úkim shyǵardy.
Bas sottalýshy Tuńǵyshbaı Jamanqulov 7 jylǵa bas bostandyǵynan aıryldy. Sýdıa Táken Shákirov QR QK-niń raqymshylyq týraly babyn eskere otyryp Tuńǵyshbaı Jamanqulovtyń jazasynyń jartysyn qysqartyp, shartty túrde óteýge úkim shyǵardy.
«T.Jamanqulov QR QK 189-babynyń 4-bólimi boıynsha aıypty dep tanylyp, 7 jylǵa bas bostandyǵynan aırylsyn. Taǵaıyndalǵan jazany shartty túrde ótesin», - dedi T.Shákirov.
Sondaı-aq, sýdıa belgili akterge 5 jyl boıy basshylyq qyzmetke kelýge tyıym saldy.
Jamanqulovtyń bas seriktesi Talǵat Jánibekov ta aıypty dep tanylyp, 7 jylǵa sharty jazaǵa kesildi.
«Qazaqfılm» AQ top-menedjeri Gaýhar Ysqaqova «qyzmet babyn asyra paıdalanǵany» úshin 1 jylǵa bas bostandyǵy shekteldi.
Jobanyń atqarýshy prodıýseri Natalıa ıÝdına da 7 jylǵa bas bostandyǵynan aıryldy. Raqymshylyq týraly bapqa sáıkes onyń jazasy jartylaı qysqaryp, shartty túrde óteletin boldy.
«Fenıks» fılminiń túsirilim tobynyń dırektory Márlen Ábishev 3,9 jylǵa shartty túrde, rejısser Bıjan Ábishev 3 jylǵa shartty túrde, Danııar Ábilqasymov 7 jylǵa shartty túrde, kásipker Ilıa Korobeınıkov 3,9 jylǵa shartty túrde sottaldy.
Aıta ketý kerek, atalǵan is boıynsha sot otyrysy 9 naýryzda bastaldy. Sottalýshylar «Fenıks» fılmine jumsalǵan qarjyny jymqyrdy dep aıyptaldy.
