Tuńǵyshbaı Jamanqulov: «Halyq ártisi» degen ataqty qaıta jańǵyrtý qajet

ASTANA. QazAqparat - Búgin QR Úkimetiniń selektorlyq rejimdegi otyrysynda Qazaqstan teatr qaıratkerleri odaǵynyń tóraǵasy, Qazaqstannyń Halyq ártisi Tuńǵyshbaı Jamanqulov ártisterge memlekettik qurmetti ataqtardy burynǵy júıemen berýdi usyndy.

«Mádenıet pen óner adamdary qashanda el arasynda bedeldi bolyp, halyq súıinishpenshiligine bólený úshin janyn sala qyzmet etedi. Olardyń bıznesmender sekildi aqshalary men jıǵan-tergenderi bolmaıdy. Ártis eńbekteri janyp, ataq-dańqy elenip jatsa - olardan baqytty adam joq. Sondyqtan osy memlekettik qurmetti ataqtardy burynǵy júıemen «Eńbegi sińgen ártis» jáne «Halyq ártisi» degendi qaıta jańǵyrtyp, ony ózderine berý kerek» ,- dedi T. Jamanqulov.

Osy oraıda ol bul ataqtardyń qarjylaı dúmpýi bolmaǵanymen, ártisterge qatysty burynǵy júıeni qaıtarý mańyzdy ekenin atap ótti.