Tuńǵysh túlekter áskerı oqý ornynda bas qosady
Qazaqstan Qarýly Kúshterine áskerı mamandar daıarlaýdyń ustahanasy sanalatyn Qurlyq áskerleriniń Áskerı ınstıtýty áskerı mamandar ázirleýde mańyzdy ról atqarady. Óziniń 43 jylǵy tarıhynda Qurlyq áskerleriniń Áskerı ınstıtýty Qazaqstan Qarýly Kúshteriniń qalyptasýyna aıtarlyqtaı úles qosty.
«Qazaqstan armııasy jaýyngerlik áleýetiniń ajyramas bóligi sanalatyn oqý ordasynyń túlekteri búginde Qazaqstan Respýblıkasynyń egemendigi men aýmaqtyq tutastyǵyn saqtaýdy qamtamasyz etý jónindegi jaýyngerlik tapsyrmany laıyqty ári abyroımen atqaryp, elimizdiń qorǵanys qabiletin nyǵaıtýǵa jáne Dostastyq elderiniń ulttyq, sondaı-aq ujymdyq qaýipsizdigin qamtamasyz etýge ózindik úlesterin qosýda», - delingen QR Qorǵanys mınıstrligi baspasóz qyzmetiniń málimetinde.
Almaty joǵary jalpy áskerı komandalyq ýchılışesin bitirýshiler arasynan - 54 general shyqty, onyń 23-i qazaqstandyq. Oqý ornynan 10 myńnan astam mamandar qanat qaqty, olardyń 400-den astamy óz jaýyngerlik boryshyn Aýǵanstanda jáne basqa da ystyq núktelerde ótip, Tájikstan men Irakta bitimgerlik operatsııalarǵa qatysyp, joǵary memlekettik nagradalarǵa qol jetkizdi.
Kezdesý barysynda túlekter Qurlyq áskerleri Áskerı ınstıtýtynyń murajaıyn tamashalap, joǵary oqý ornynyń oqý-materıaldyq bazasymen tanysady, kazarmalardy aralaıdy.