Tuńǵysh ret Syr óńirinen Qytaıǵa balyq eksporttaldy
QYZYLORDA. QazAqparat - Jaqynda Syr óńirinen 60 tonna balyq Qytaıǵa eksporttaldy, dep habarlady QazAqparat tilshisi oblystyq tabıǵı resýrstar basqarmasyna silteme jasap.
Ótken jyly oblys boıynsha 7 myń 600 tonna balyq aýlansa, onyń 3 myń 400 tonnasy eksportqa shyǵarylǵan.
Búgingi kúni Aral mańynda 8 balyq óńdeý zaýyty jumys isteıdi. Olar jylyna 11 myń tonna daıyn ónim shyǵarýǵa qaýqarly. Sońǵy úsh jylda balyq óniminiń eksporty eki esege artyp otyr. Ótken jyly 3400 tonna balyq ónimi eksportqa shyǵarylsa, onyń 70 paıyzy Reseıge, 900 tonnanyń ústinde Eýropa elderine jóneltildi. Endi mine Qytaı eline de alǵashqy Syr marjandary eksporttalyp otyr.
Aımaqta balyq qoryn saqtaý jumystary da júıeli qolǵa alynǵan. Jyl saıyn Aral teńizi men onyń mańyndaǵy sý aıdyndaryna 15 mıllıondaı shabaq jiberiledi. Munan ózge, Qyzyl kitapqa engen Aral qaıazy balyǵyn kóbeıtý de qolǵa alynyp otyr.
