Tuńǵysh ret Qostanaıdan Túrkııaǵa temirjol arqyly júk jóneltildi
Osylaısha, mal azyǵy tıelgen 38 vagon jańa naryqqa jol tartty. Munyń izin ala bıdaı men un, ózge de aýylsharýashylyq ónimderi eksporttalady dep josparlanyp otyr. Bul jóninde uzaq merzimdi kelisimsharttarǵa qol qoıylǵan. Jańa tasymal baǵyty qashyqtyqty 900 júz shaqyrymǵa deıin qysqartyp, shyǵyndy azaıtady, ýaqytty únemdeıdi. Júk vagondary bos qaıtpaıdy, kerekti taýarlardy ala kelmek.
«Quryq portyna deıin eki táýlik ketedi. Odan ári júk parommen kemege tıelip, Túrkııaǵa jol tartady. Vagondar bos kelmeıdi. Bizdiń elge ımportttyq taýarlardy jetkizetin bolady. Endi bir jarym apta ishinde júkti tıisti stansaǵa jetkizemiz degen oıdamyz. Jóneltilim qujattary aǵylshyn jáne orys tilinde toltyrylady. Bul porttardan ótý barysynda keden operatsııalaryn resimdeýdi jeńildetedi», - dep habarlady Qostanaı júk tasymaldaý bólimi dırektorynyń orynbasary Ǵanı Esenbaev.
