Tuńǵysh ret BAQ ókilderi arasynda QR Prezıdenti júldesi úshin shaǵyn fýtboldan týrnır ótedi
NUR-SULTAN. QazAqparat – QR Konstıtýtsııa kúnine oraı tuńǵysh ret BAQ ókilderi arasynda Qazaqstan Respýblıkasy Prezıdentiniń júldesi úshin shaǵyn fýtboldan respýblıkalyq týrnır ótedi, dep habarlaıdy QazAqparat Prezıdent baspasóz hatshysy Berik Ýálıge silteme jasap.
«Qurmetti jýrnalıster, BAQ ókilderi! 2019 jyldyń 30 tamyzynda Nur-Sultan qalasyndaǵy »Astana Arena« stadıonynda QR Konstıtýtsııa kúnine oraı tuńǵysh ret BAQ ókilderi arasynda Qazaqstan Respýblıkasy Prezıdentiniń júldesi úshin shaǵyn fýtboldan respýblıkalyq týrnır ótedi», dep jazdy Berik Ýálı Facebook-tegi paraqshasynda.
Onyń aıtýynsha, týrnırdiń maqsaty – BAQ qyzmetkerleri
arasynda salaýatty ómir saltyn nasıhattaý, áriptestik jáne dostyq
qarym-qatynasty nyǵaıtý.
Jarysty QR Prezıdentiniń baspasóz qyzmeti uıymdastyrady. Týrnırge
elimizdiń BAQ ókilderinen quralǵan shyǵarmashylyq top komandalary qatysa alady. Qatysatyn
barlyq komanda sany 32. Ótinish qabyldaý
merzimi 27 tamyzǵa deıin.
Jeńimpaz jáne júldeger komandalar, sondaı aq, arnaıy nomınatsııalar boıynsha úzdik atanǵan oıynshylar úshin qarjylaı syılyq bar.
