Tuńǵysh ret áıel FIFA bas hatshysy boldy
ASTANA. QazAqparat - BUU-daǵy senegaldyq dıplomat Fatma Samýra Halyqaralyq fýtbol federatsııasy (FIFA) tarıhyndaǵy uıymnyń bas hatshysy laýazymyndaǵy alǵashqy áıel boldy.
«Keńes Samýranyń kandıdatýrasyn qoldady. Ol keńes daıyndaǵan strategııany endirýmen shuǵyldanady. Men ár adamnyń qabilet-qarymyna, jan-jaqtylyǵyna senemin. Sóz emes, faktige júginemin. Fatma osy baǵytta birden bir laıyqty kandıdat. Ol ótkenniń emes, bolashaqtyń adamy»,-dedi FIFA prezıdenti Djannı Infantıno.
Sońǵy kezderi halyqaralyq fýtbol federatsııasy bas hatshysynyń mindetin Markýs Kattner atqaryp kelgen bolatyn.
