Tuńǵysh ret áskerı bólimshelerdi áýe arqyly kóshirý júzege asyrylyp jatyr - QR Qorǵanys mınıstrligi

ASTANA. QazAqparat - Tuńǵysh ret Qazaqstan Qarýly Kúshterinde jaýyngerlik daıarlyqty qorytyndy tekserý barysynda birneshe bólimsheni bir óńirden basqa óńirge áýe kóligimen jedel jetkizý júzege asyrylýda, dep habarlaıdy QR QM baspasóz qyzmeti.

Bul bólimsheler «Іle» oqý-jattyǵý polıgonynda, Qapshaǵaı sý qoımasynda jáne «Tuıyq sý» oqý-jattyǵý ortalyǵynda tanys emes jerde baǵdarlaý synaǵynan ótetin bolady.

Sonymen qatar, tekserý barysynda atys daıarlyǵynan synaq tapsyrylyp, bólimshe quramymen jaýyngerlik tapsyrmany oryndaý múmkindigi synalatyn bolady. Osy bólimshelerdiń áskerı qyzmetshileri parashıýtpen sekirip, jeńil súńgýir daıarlyǵynan synaq tapsyrady.

Qazirgi ýaqytta qorytyndy tekserý jalǵasýda. Bul is-sharalarǵa Qazaqstan armııasynyń búkil jeke quramy qatysady.

Qarasha aıynyń ekinshi jartysynda QR Qarýly Kúshterindegi jaýyngerlik daıarlyqtyń qorytyndylary shyǵarylyp, olardyń nátıjesi boıynsha úzdik ásker túrleri men tekteri, óńirlik qolbasshylyqtar, quramalar, bólimder men bólimsheler aıqyndalatyn bolady.

QR Qarýly Kúshterindegi tekserý qorytyndylary shyǵarylǵan soń kelesi jylǵa mindetter qoıylyp, áskerler daıarlyǵynda negizgi kúsh jumsalatyn basym baǵyttar belgilenedi.