Tuńǵysh Prezıdenttiń konstıtýtsııalyq mártebesin onyń jalpyǵa moıyndalǵan Ulttyq Kóshbasshy mártebesine teńestirý qajet

Búgin Elbasy mártebesin zań deńgeıinde bekitý týraly zań jobasyn usyný barysynda sóz sóılegen depýtat Ámzebek Jolshybekov osylaı málim etti, dep habarlaıdy QazAqparat.

«Konstıtýtsııaǵa sáıkes Tuńǵysh Prezıdenttiń mártebesi men ókilettigi QR Konstıtýtsııasymen jáne konstıtýtsııalyq zańnamalarmen anyqtalady. Sonymen birge, «QR Tuńǵysh Prezıdenti týraly» Konstıtýtsııalyq zańnamada Tuńǵysh Prezıdenttiń negizgi quqyqtyq jáne uıymdastyrýshylyq máselelerin qamtamasyz etý sharalary qamtylǵan. Biraq, osy zań Qazaqstan Respýblıkasynyń qazirgi zamanǵy memlekettigin qalyptastyrýshynyń rólin tolyq deńgeıde aıqyndap bere almaıdy. Búgingi kúni Konstıtýtsııalyq zań normasyndaǵy Memleket basshysynyń saıası-quqyqtyq mártebesin anyqtaý bóliginde, Tuńǵysh Prezıdenttiń konstıtýtsııalyq mártebesin onyń jalpyǵa moıyndalǵan Ulttyq Kóshbasshy mártebesine teńestirýde ózgerister engizý qajet etiledi. N. Nazarbaev -tek Prezıdent qana emes búgingi memleketti - Qazaqstan Respýblıkasyn qalyptastyrýshy», dedi Á. Jolshybekov.

Esterińizge sala keteıik, búgin Májilistiń jalpy otyrysynda depýtat Rozaqul Halmuradov, Svetlana Ferho jáne Ámzebek Jolshybekovter bastamashylyq jasaǵan bolatyn.