Tuńǵysh Prezıdent týraly zańnyń kúshin joıatyn qujat Májiliske áli túsken joq – Qanat Mýsın
«Tuńǵysh Prezıdenttiń mártebesi týraly zańǵa keletin bolsaq, Konstıtýtsııadan Elbasyna qatysty barlyq normalar alynyp tastalǵany belgili. Biraq másele mynada, Tuńǵysh Prezıdent týraly jáne Tuńǵysh Prezıdentke silteme jasaıtyn normalar siz aıtyp otyrǵan zańda ǵana emes, basqa zańdarda da bar. Onnan astam sondaı zań bar. Sondyqtan bul jumys biraz ýaqytty qajet etedi, taldap, jalpylap, sheshim qabyldaý qajet. Ýaqyt óte kele ol oryndalady. Jumysty beıindi memlekettik organdar júrgizip jatyr. Zań Parlamentke áli berilgen joq», - dedi Qanat Mýsın.
Sondaı-aq, ol atalǵan zań jobasy Parlamentke nege túspegenin túsindirdi.
«Zańnamaǵa ózgerister engizip, Tuńǵysh Prezıdent týraly zań kúshin joıýy úshin zańnamany taldaý qajet, zań jobasy zań jobalaý jumystarynyń josparyna enýi kerek. Jospar boıynsha jumys qazir júrgizilip jatyr. Májiliste mundaı zań jobasy áli joq, ol Májiliske joldanbaǵan. Konstıtýtsııaǵa ózgerister engizilgendikten, basqa zańdar, sonyń ishinde Tuńǵysh Prezıdent týraly zańdar da Ata zańǵa sáıkestendirilýi kerek», - dedi Ádilet mınıstri.
