Tuńǵysh Prezıdent týraly zań kúshin joıýy múmkin – depýtat

NUR-SULTAN. QazAqparat – Májilis depýtaty Arman Qojahmetov «Tuńǵysh Prezıdent – Elbasy týraly» zańy jóninde tilshiler suraǵyna jaýap berdi, dep habarlaıdy QazAqparat tilshisi.

Búgingi Májilis otyrysynan keıin tilshiler «Tuńǵysh Prezıdent – Elbasy týraly» zańnyń kúshin joıýy múmkin be degen suraq qoıdy.

«Iá dep oılaımyz, qujattar paketinde qarastyrylǵan. Biraq sheshimdi turǵyndar referendýmda qabyldaıdy. Eger bul úshin qoǵam daýys berse, tıisinshe, mundaı sheshim odan ári qabyldanatyn bolady», - dep jaýap berdi Arman Qojahmetov.

Buǵan deıin Májilis depýtaty respýblıkalyq referendýmda daýys berýge arnalǵan bıýlletende «ıá» nemese «joq» degen qysqa jaýaptar kózdeletinin túsindirgen edi.