Tuńǵysh Prezıdent: Otbasyn asyraý - erkek adamnyń basty mindeti

ShAMALǴAN. QazAqparat - Búgin Almaty oblysynyń Shamalǵan aýylynda halyqpen kezdesken Nursultan Nazarbaev kópbalaly jáne áleýmettik jaǵynan az qamtylǵan otbasylarǵa kórsetiletin kómek týraly aıtty, dep habarlaıdy QazAqparat tilshisi.

«Kópbalaly analarǵa, turmysy nashar adamdarǵa kómek jasalyp jatyr. Eń tómengi jalaqy jyl basynan 1,5 ese kóbeıtiledi. 1 sáýirden bastap kópbalaly analarǵa, ár balaǵa, tabysy tómenderge kómek berilip jatyr. Biraq, memleketten «bere ber» dep otyrmaı, jumys isteý kerek. Qaı qazaq balany týǵyzyp, kórshisine asyra dep bergen? Erkek adamnyń «balany týǵyzdym, ózim asyraımyn, jetkizemin» degen namysy bolýy kerek. Dúnıejúzinde solaı. Bala-shaǵasyn asyraý adamnyń óz basyndaǵy mindeti. Bizdi analarymyz solaı asyrady. Biz de solaı ósken adambyz», - dedi Nursultan Nazarbaev.

Budan bólek, Tuńǵysh Prezıdent qazirgi kúni memlekettiń jaǵdaıy jaqsy ekenin, ındýstrııalyq, aýyl sharýashylyǵy salalary damyp jatqanyn atap ótti.

Kezdesý barysynda Elbasy «Elý jylda - el jańa, júz jylda - qazan» degen naqyldyń mańyzyna toqtalyp, jas urpaq týraly sóz qozǵady.

«Jas urpaq ósip keledi. Jańadan el bolyp kele jatyr. Shamalǵanda 20 myń adam turady. Shamal degen atyn qaıta ákeldik. Týǵan jerimiz pasportta Shamalǵan dep jazylǵan, ony ózgertip qaıtemiz. Árqaısyńyzǵa densaýlyq, baqyt, sáýletti ómir tileımin», - dedi Tuńǵysh Prezıdent.