Tuńǵysh Prezıdent mýzeıinde «Dástúr jalǵastyǵy» kórmesi ashylady
ASTANA. QazAqparat - 31 naýryz kúni saǵat 17.00-de Qazaqstan Respýblıkasy Tuńǵysh Prezıdentiniń mýzeıinde Qazaqstan Sýretshiler odaǵynyń músheleri Gúlnazym jáne Aınur Ómirzaqtyń «Dástúr jalǵastyǵy» kórmesiniń ashylý rásimi ótedi. Kórme mýzeıdiń «Úkili úmit» atty shyǵarmashyl jastardy qoldaýǵa arnalǵan jobasy aıasynda uıymdastyryldy.
Qazaqstannyń beıneleý ónerindegi kenjeleý qalǵan tusy - bul keskindeme ónerindegi bizkeste ádisi. Búginde dástúrli ónerimizdiń zamanaýı úlgide damyta otyryp, belgili bir ramkaǵa kestelenip túsken kompozıtsııa (bul jerde ramkanyń ózi árdaıym shyǵarmashylyqtyń qaıtalanbas elementi ekendigi belgili) eki janrdyń bir jerde toǵysýyn, ıaǵnı qondyrmaly (keskindemeli)-dekoratıvti shyǵarmanyń týyndaýyna múmkindik beredi.
Aǵaıyndy Gúlnazym men Aınur Ómirzaqtar T. Júrgenov atyndaǵy Qazaq ulttyq óner akademııasynda oqyp sýretshi-keskindemeshi mamandyǵy boıynsha bilim alǵan. Gúlnazym men Aınurdyń ómirde serik etken kásipteri bizkeste ádisin jan-jaqty meńgergen sheberler retinde elimizge tanymal otbasy. Bizkeste tehnıkasynda oryndalǵan olardyń týyndylary, qazirgi kórermender úshin tyń jańalyq bolyp sanalatynyń, ózindik leıtmotıvi, sımvoldary bar tolyqqandy sıýjetten turady.
Gúlnazym Ómirzaq 2009 jyly T. Júrgenov atyndaǵy Qazaq ulttyq óner akademııasyndaǵy magıstratýrany bitirgen. 1986 jyldyń 11 naýryzynda týylǵan. Sýret salýmen jastaıynan aınalysqan ol, birneshe sertıfıkattar men alǵys hattarǵa ıe boldy.
1996 jyly Jas talanttardyń «Aınalaıyn» 1-shi halyqaralyq festıvaliniń laýreaty atanady. 2002 jyly Astana qalasynda 5-shi halyqaralyq merekelik «Shabyt» shyǵarmashyl Jastar festıvaliniń laýreaty bolyp altyn medalimen marapattaldy. 2003 jyly ıÝNESKO-nyń Almatydaǵy Bıýrosynyń «Rısýıýt detı mıra: Qazaqstan» atty halyqaralyq Albomdar serııasyna engeni úshin sertıfıkatqa ıe boldy. 2006 jyly Frantsııada akademııa atynan mamandyǵyn shyndap qaıtty. 2010 jyly Respýblıkalyq «Qanatty Áıel-3» ıdeıalar men taýarlar jármeńkesine qatysyp dıplommen marapattalǵan.
Aınur Ómirzaq 1982 jyldyń 10 mamyrynda dúnıege kelgen. 2013 jyldan beri Qazaqstan Sýretshiler odaǵynyń múshesi. 2006 jyly Qazaq memlekettik Qyzdar pedagogıka ınstıtýtynda oqytýshy bolyp qyzmet istegen. 2009 jyldan tikeleı shyǵarmashylyq jumystarmen aınalysyp keledi. Olar 1989 jyldan bastap kóptegen respýblıkalyq jáne halyqaralyq kórmeler men Qazaqstannyń shet memleketterdegi ótkizilgen mádenıet kúnderiniń belsendi qatysýshysy bolyp tabylady.
Búgingi tańda óz ónerlerimen elimizge jáne shetelderge tanymal bolǵan Gúlnazym men Aınur Ómirzaqtyń shyǵarmashylyq jumystary London, Lıýksembýrg qalalary jáne Germanııa, Frantsııa, Túrkııa, Reseı elderindegi óner galereıalarynda saqtaýly, sonymen qatar elimizdegi memlekettik mekemeler men qoǵamdyq uıymdardyń ıntererine qoıylǵan.
«Dástúr jalǵastyǵy» kórmesi 2015 jyldyń 20 sáýirine deıin jalǵasady
