Tuńǵysh Prezıdent kúnine oraı Mehıkoda shara uıymdastyryldy

MEHIKO. QazAqparat - Qazaqstan Respýblıkasynyń Meksıka Qurama Shtattaryndaǵy Elshiligi jergilikti BAQ-tar úshin «Mehıko qalasynda «Zamanaýı Qazaqstan. Elbasy kóshbasshylyǵynyń sabaqtary» atty baspasóz-konferentsııasyn ótkizdi, dep habarlaıdy QazAqparat Qazaqstannyń Meksıkadaǵy elshiligine silteme jasap.

Ulttyq jáne aımaqtyq teledıdar arnalarynyń, radıostantsııalardyń, merzimdi basylymdardyń, ÚEU men saıası toptardyń ókilderi qatysqan baspasóz-konferentsııasy barysynda QR-dyń Tótenshe jáne Ókiletti Elshisi Andrıan Elemesov qatysýshylardy elimizdiń qalyptasý jáne zamanaýı tarıhynyń negizgi kezeńderimen tanystyrdy, sondaı-aq Qazaqstandaǵy sońǵy saıası jáne ekonomıkalyq ózgerister týraly áńgimeledi.

QR Tuńǵysh Prezıdenti - Elbasy kúni qarsańynda qatysýshylar Qazaqstan turaqty jáne qaýipsiz memleket retinde halyqaralyq bedelge ıe bolǵan, sondaı-aq álemniń eń damyǵan 50 eliniń qataryna engen qazirgi Qazaqstannyń qalyptasýy men damýyndaǵy N. Nazarbaevtyń erekshe rólimen tanysty

Kezdesý barysynda Qazaqstandaǵy aǵymdaǵy saıası ahýaldyń jaı-kúıin, sondaı-aq eldegi bılik tranzıtin júrgizý erekshelikterin túsindirýge erekshe nazar aýdaryldy. Jýrnalıster QR Prezıdenti Qasym-Jomart Toqaevtyń «Syndarly qoǵamdyq dıalog - Qazaqstannyń turaqtylyǵy men gúldenýiniń negizi» atty Joldaýynyń negizgi erejelerimen jáne onyń júzege asyrylý barysymen tanysty.

Qazirgi tıimdi memleket qurýǵa, azamattardyń quqyqtary men qaýipsizdigin qamtamasyz etýge, qoǵamdy áleýmettik jańǵyrtýǵa jáne óńirlerdi damytýǵa baǵyttalǵan Prezıdenttiń saıasaty týraly aqparat jýrnalısterdiń erekshe qyzyǵýshylyǵyna ıe boldy.

Qorytyndylaı kele, BAQ-tar Meksıkamen saýda-ekonomıkalyq jáne ınvestıtsııalyq yntymaqtastyqty odan ári damytý boıynsha Qazaqstannyń aǵymdaǵy jaǵdaıy men josparlary týraly tolyq aqparat aldy.

Іs-shara barysynda qonaqtarǵa aqparattyq-ımıdjdik beınematerıaldar kórsetildi, sondaı-aq qazaq jáne jergilikti taǵamdary usynyldy.