Tuńǵysh Prezıdent kúnine oraı elorda turǵyndary men qonaqtaryna tegin ekskýrsııa júrgiziledi

NUR-SULTAN. QazAqparat - 30 qarasha men 1 jeltoqsanda Tuńǵysh Prezıdent kúnin merekeleýge oraı qala turǵyndary men qonaqtary «Red Bus» eki qabatty ekskýrsııalyq avtobýstarymen elordanyń kórikti oryndaryn tamashalaýǵa múmkindik beretin tegin ekskýrsııaǵa qatysa alady, dep habarlaıdy qala ákimdiginiń resmı saıty.

Ekskýrsııa «AiLand» (okeanarıým) kóńil-kóterý ortalyǵynan jáne «Astana-Báıterek» monýmentinen bastalady. Ekskýrsııa avtobýs ishindegi dybys kúsheıtkishter arqyly qazaq jáne orys tilderindegi aýdıogıdter kómegimen júzege asyrylady (bir reıs - qazaq tilinde, ekinshi reıs - orys tilinde, aýysý arqyly).

Ekskýrsııany belgili bir tilde ǵana tyńdaǵysy keletinder ózderimen birge qulaqqap alyp kelýi kerek. Merekelik tegin serýen kezinde qulaqqaptar berilmeıdi.

Avtobýstardyń qozǵalys kestesi:

«AiLand» aıaldamasynan qozǵalý ýaqyty:

- saǵ. 10.00 (orys tilinde);

- saǵ. 12.10 (qazaq tilinde);

- saǵ. 14.30 (orys tilinde);

- saǵ. 16.40 (qazaq tilinde);

- saǵ. 18.50 (orys tilinde).

Ary qaraı kelesi aıaldamalar bolady: «Han Shatyr» SOSO, «Máńgilik El» saltanat qaqpasy, «Nur-Álem» sferasy, Ulttyq Mýzeı, «Astana Báıterek» monýmenti jáne«AiLand» (okeanarıým) kóńil-kóterý ortalyǵy.

«Astana Báıterek» monýmenti aıaldamasynan qozǵalý ýaqyty:

- saǵ. 10.30 (qazaq tilinde);

- saǵ. 12.40 (orys tilinde);

- saǵ. 15.00 (qazaq tilinde);

- saǵ. 17.10 (orys tilinde);

- saǵ. 19.20 (qazaq tilinde).

Ary qaraı kelesi aıaldamalar bolady: «AiLand» (okeanarıým) kóńil-kóterý ortalyǵy, «Han Shatyr» SOSO, «Máńgilik El» saltanat qaqpasy. «Nur-Álem» sferasy, Ulttyq Mýzeı jáne «Astana Báıterek» monýmenti.