Tuńǵysh Prezıdent kúnine arnalǵan jappaı júgirý sharasyna 200-den astap polıtseı qatysty (FOTO)

ASTANA. QazAqparat - 200-den astam polıtsııa qyzmetkeri Tuńǵysh Prezıdent kúnine arnalǵan «Prezıdenttik mılıa» dástúrli júgirý jarysyna qatysty, dep habarlady Astana qalasynyń Іshki ister departamenti baspasóz qyzmetinen.

Jarys «Qazaq Eli» monýmentinen bastaý aldy. Astana qalasy Іshki ister departamentiniń bastyǵy polıtsııa general-maıory Amantaı Áýbákirovtyń bastamasymen ІІD barlyq bólinisteriniń polıtsııa qyzmetkerleri sporttyq kıimmen 2400 metr qashyqtyqqa eseptelgen qala kóshelerinde júgirip ótti.

Jarys sońy «Qazaq eli» monýmentinde aıaqtaldy. «Prezıdenttik mılıa» júgirý jarysynyń qatysýshylarynyń aıtýynsha, jyldan-jylǵa atalǵan sharaǵa qatysýǵa nıet bildiretin polıtseılerdiń qatary kóbeıip keledi. Jarys uıymdastyrýshylary sharaǵa merekelik reń beretin áýendi oınatsa, polıtsııa qyzmetkerleri men olardyń otbasy múshelerininen quralǵan qoldaýshylar saıysqa túsken saqshylardy jarystyń basynan aıaǵyna deıin demep otyrdy. Qyzý doda máresine jetisimen, saqshylar Tuńǵysh Prezıdent kúnimen quttyqtap, barlyǵyna kóterińki kóńil-kúı syılady. Quqyq qorǵaý ókilderine júktelgen jaýapkershilik pen mindettermen qosa, salaýatty ómir saltyn ustanyp ony nasıhattaý - talaptardyń biri. Búgingi «Prezıdenttik mılıa» júgirý jarysy osynyń dálelindeı. Sporttyq sharasynyń sońynda polıtsııa qyzmetkerleri úsh márte «Ýra!» degen uranmen barshany Tuńǵysh Prezıdet kúnimen quttyqtady.