Tuńǵysh Prezıdent kúnin 78 pavlodarlyq otbasy jańa páterde merekeleıdi
PAVLODAR. QazAqparat - Pavlodardaǵy jańa «Saryarqa» shaǵynaýdanynda tórtinshi tórt qabatty úı paıdalanýǵa berildi, dep habarlaıdy «QazAqparat» HAA tilshisi.
78 pavlodarlyq otbasy QR Tuńǵysh Prezıdenti kúni merekesi qarsańynda, burynǵy «Alıýmınstroı» kentindegi súrilgen eki qabatty úıdiń turǵyndary jańa úıden páter aldy.
«Qazirgi kúni «Saryarqa» shaǵynaýdanynda taǵy da bir úıdiń qurylysy aıaqtalýǵa taıaý jáne taǵy úsh úıdiń qurylysy bastalyp ketti», - dedi Pavlodar qalasynyń ákimi Nurjan Áshimbetov jańa qonystanýshylarǵa páter kiltin tapsyryp turyp. - Aldaǵy ýaqytta qysqy maýsymda segizinshi oramdaǵy eki qabatty úılerdi súrý kózdelip otyr. Olardyń ornynda alty kópqabatty úı boı kóteredi».
Aıta keter jaıt, jańa úı «Óńirlerdi damytý 2020» baǵdarlamasy aıasynda úı salýdyń paneldik tehnologııasyn qoldaný arqyly salynǵan. Úsh kireberisi bar úıde 51 eki bólmeli, 24 úsh bólmeli jáne 3 tórt bólmeli páter bar. Jalpy qurylysqa 756 mln teńge jaratylǵan.
