Tuńǵysh Prezıdent kúni merekesi jańa tabystar men jarqyn isterdiń uıytqysy bola bersin - Astana ákimi

ASTANA. QazAqparat - Astana ákimi Ádilbek Jaqsybekov elorda turǵyndary men qonaqtaryn QR Tuńǵysh Prezıdenti kúnimen quttyqtady.

«Qurmetti astanalyqtar jáne qala qonaqtary!

Sizderdi 1 jeltoqsan - Qazaqstan Respýblıkasynyń Tuńǵysh Prezıdenti kúnimen shyn júrekten quttyqtaımyn!

Bul kún búginde halyq bolyp toılaıtyn mańyzdy merekege aınaldy. Munyń bári elimizde jemisti júzege asyrylyp jatqan reformalar men memleketimizdiń turaqty damýymen baılanysty. Táýelsizdik jyldary elimiz barsha álem sanasatyn irgeli elge aınaldy. Osynaý ıgi istiń basynda Elbasymyz Nursultan Ábishuly Nazarbaevtyń salıqaly saıasaty jatyr. Memleket basshysynyń tól týyndysy - Eýrazııanyń júreginde boı kótergen araıly Astanamyz da qazaqstandyqtardyń maqtanyshyna, elimizdiń damýynyń sımvolyna aınaldy. Osy mereke jańa tabystar men jarqyn isterdiń uıytqysy bola bersin!

Sizderge zor densaýlyq, otbasylaryńyzǵa baq pen bereke, eńbekterińizge tolaǵaı tabys tileımin!» - dep jazylǵan quttyqtaý mátininde.