Tuńǵysh Prezıdent kúni merekesi qazaq halqynyń birligi men memlekettik tutastyǵyn bildiredi - Q. Sultanov
ASTANA. 28 qarasha. QazAqparat - Tuńǵysh Prezıdent kúni merekesi qazaq halqynyń birligi men memlekettik tutastyǵyn bildiredi.
Búgin Astanada «Qazaqstan Respýblıkasynyń Tuńǵysh Prezıdenti - Elbasy N. Nazarbaevtyń Qazaqstanda parlamentarızmniń qalyptasýyndaǵy róli» atty konferentsııa barysynda Májilis depýtaty Qýanysh Sultanov osylaı málim etti.
«Biz búgin Qazaqstannyń Tuńǵysh Prezıdenti kúni merekesi aldynda kezdesip otyrmyz. Jalpy memleketterdiń tarıhynda, dúnıejúzilik tájirıbede qandaı da bir mereke halyqtyń rýhanı ómirin tolyqtyratyn jańa dástúr. Búgin osyndaı jańa dástúr bizdiń memleketimizde qalyptasyp, atalyp óteıin dep otyr. Bul meıram qazaq halqynyń birligi men memlekettik tutastyǵyn bildiredi. Táýelsizdiktiń 20 jyldyǵynda prezıdenttik bılik óziniń oń nátıjesin kórsetti», - dedi Qýanysh Sultanov.
Eske salsaq, atalǵan shara Tuńǵysh Prezıdent kúnine oraılastyrylyp otyr. Osynaý ókiletti forýmǵa tanymal saıasatkerler, depýtattar, qoǵam qaıratkerleri qatysýda. Osy únqatysý alańynda Qazaqstan Prezıdenti Nursultan Nazarbaevtyń elimizdiń zań shyǵarý organynyń qalyptasýy men jetilýi jolyndaǵy erekshe eńbegi jaıynda áńgimeler aıtyldy.
