Tuńǵysh Prezıdent kúni men Táýelsizdik toıyn Jańa jyldyń kóleńkesinde qaldyrmaıyq - Hangeldi Ábjan
Tarıhshy Almatydaǵy Fýrmanov kóshesiniń Nazarbaev dańǵylyna aýystyrylýy jóninde pikir bildirdi jáne Prezıdent kúnin toılaýdyń álemdik tájirıbede bar ekenin atap ótti.
«Almatydaǵy ásem kóshege Tuńǵysh Elbasynyń esimi berilýin quptaımyn. Muny Táýelsizdigimizdi ulyqtaǵanymyz, kommýnıstik rejım ıdeıasynan arylyp, óz tarıhymyzǵa oralǵanymyz dep túsinemin. Tuńǵysh Prezıdent kúnine kelsek, mundaı mereke Amerıkada jáne basqa elderde bar. Demek, biz álemdik órkenıettiń durys jaqtaryn qabyldap jatyrmyz», - dedi Hangeldi Ábjanov.
Sondaı-aq, akademık QR Tuńǵysh Prezıdent kúniniń ulttyq patrıotızmdi ósirý úshin, ulttyq sanany qalyptastyrý úshin aýadaı qajet mereke ekenin basa aıtty.
«Tuńǵysh Prezıdent kúni men 16 jeltoqsandaǵy Táýelsizdik merekesiniń jigin ajyratpastan, bir ıdeıanyń, bir ıdeologııanyń meıramdary retinde toılaýymyz kerek. Táýelsizdik kúni bolmasa, Prezıdent kúni bolmas edi, Prezıdent kúnin atap ótý arqyly Táýelsizdigimizdiń qundylyǵyn, ózektiligin arttyra túsemiz. Bul merekelerdi Jańa jyldyń kóleńkesinde qaldyrmaýymyz kerek», - dep óz sózin túıindedi H.Ábjanov.
Eske sala ketsek, 2011 jyldyń 10 jeltoqsanynda Qazaqstan Respýblıkasynyń Parlament Senaty depýtattarynyń bastamasymen «Qazaqstan Respýblıkasyndaǵy merekeler týraly» QR Zańyna tolyqtyrý engizý týraly» QR Zańy qabyldanǵan bolatyn. ıAǵnı, dál sol ýaqytta 1 jeltoqsandy Qazaqstan Respýblıkasynyń Tuńǵysh Prezıdenti kúni etip belgiledi.
1991 jyly 1 jeltoqsanda el tarıhyndaǵy tuńǵysh jalpyhalyqtyq saılaýda Nursultan Nazarbaevqa halyqtyń 98,78 paıyzy daýys berip, Memleket basshysy retinde tańdap aldy. Sodan beri 26 jyl ótip, osy aralyqta Qazaqstan álem moıyndaǵan memleketke aınaldy.
