«Tuńǵysh Prezıdent kúni» qarsańynda Túrkistan qalasynda 500 túp aǵash otyrǵyzyldy

TÚRKІSTAN. QazAqparat - «Tuńǵysh Prezıdent kúni» qarsańynda Túrkistan qalasynda 500 túp aǵash otyrǵyzyldy.

Óńirdiń klımaty men geografııalyq erekshelikterine baılanysty oblys ákimi Ómirzaq Estaıuly qalanyń kógaldandyrylýyna erekshe kóńil bólip keledi, dep habarlaıdy QazAqparat tilshisi.

Atalǵan shara aıasynda Túrkistan qalasy ákimi Rashıd Aıýpov jáne qalalyq máslıhattyń hatshysy Ǵappar Sársenbaevtyń qatysýymen dendrosaıabaqta qaraǵaı aǵashtary egildi. Qala turǵyndary men qonaqtaryna jaılylyq syılaıtyn bar aǵashtardyń kútimi nysan qurylysy aıaqtala «Jasyl Túrkistan» KMM tarapynan atqarylatyn bolady. Qazirgi tańda 500-den astam jumysshy men 50 dana tehnıka kúshi jumyldyrylǵan nysan qurylysy qarqyndy atqarylýda. Qurylys barysy men aýa-raıyna qaraı jalpy 19 myńǵa jýyq túrli aǵashtar otyrǵyzylýy josparlanǵan.