Tuńǵysh Prezıdent kúni qarsańynda astanalyq 17 otbasy páter kiltterin aldy
ASTANA. 30 qarasha. QazAqparat - QR Tuńǵysh Prezıdenti kúni qarsańynda Astana qalasynda jaǵdaıy tómen 17 otbasy páter kiltterin aldy.
Bul týraly qala ákimdiginiń resmı saıtynda habarlandy.
Astana qalasyndaǵy 15 qurylys kompanııasy qonys toıyn toılaýshylardy ózderi tańdady. Olar - ata-analar balalarynyń syrqatyna baılanysty tolyqqandy jumys isteı almaıtyn az qamtamasyz etilgen otbasylar. Kiltterdi tabystaý saltanaty ákimdikte qala basshysy Imanǵalı Tasmaǵambetovtyń qatysýymen ótti.
Bul - Astana qalasynyń qurylys kompanııalary tarapynan ótkiziletin dástúrli aktsııa. Aıta keteıik, 2012 jyldyń 27 qarashasyndaǵy jaǵdaı boıynsha, baspanaǵa muqtajdardyń tiziminde 25 282 adam tur.
