Tuńǵysh Prezıdent kúni: Almaty oblysynyń Qaratal aýdanynda 50 otbasy baspanaly boldy
Búgin Tunǵysh Prezıdent kúninde Úshtóbe qalasynyń Shańyraq shaǵyn aýdanynda jəne Kókdala kóshelerinde ornalasqan kópqabatty jáne jeke turǵyn úıler paıdalanýǵa berildi.
Saltanatty sharaǵa aýdan ákimi Qaırat Naımanbaıuly men aýdandyq maslıhat hatshysy Baqyt Jeksembiuly qatysyp, 50 otbasyna páter kiltin tabystady.
Respýblıkalyq bıýdjetten bólingen 223 mln 972 myń teńge, oblystan bólingen 95 mln 799 myń teńgege Shańyraq shaǵyn aýdanyndaǵy otyz páterli turǵyn úı salyndy. 2019 jyldyń qarashasynan bastap Úshtóbe qalasyndaǵy Kókdala shaǵyn aýdanynda 20 jalǵa beriletin jeke turǵyn úı «Qolqanat qurylys» JShS-men kelisimshart jasalyp, respýblıkalyq bıýdjetten 180 mln 404 myń, oblystyq bıýdjetten 100 mln 432 myń bólinip, bıyl qurylysy tolyqtaı aıaqtaldy. Atalǵan úı aýdan boıynsha kezekte turǵan muqtaj azamattarǵa berildi.
«Merekedegi jańa qonystaryńyz qutty bolsyn!. Memlekettiń osyndaı ıgi isteri aldaǵy ýaqytta da jalǵasyn tabatyn bolady»,- dedi aýdan ákimi.
