Tuńǵysh Prezıdent kúni: Aqtóbede polıtsııa qyzmetkerleri marapattaldy

AQTÓBE. QazAqparat - Aqtóbe oblystyq polıtsııa departamentinde Tuńǵysh Prezıdent kúni ótti. Merekelik jıyn kezinde qyzmettik mindetin múltiksiz atqaryp júrgen tártip saqshylary marapattaldy, dep habarlaıdy QazAqparat tilshisi.

Іshki ister organdarynyń ardagerleri men jeke quram merekelik jıynǵa qatysty. Aqtóbe oblystyq polıtsııa departamentiniń bastyǵy Atyǵaı Arystanov QR Іshki ister mınıstri Erlan Turǵymbaevtyń quttyqtaýyn jetkizdi. Ol óz sózinde 2019-2021 jyldarǵa arnalǵan Іshki ister organdaryn qaıta jańǵyrtýǵa arnalǵan Jol kartasy iske asyrylǵanyn, Tuńǵysh Prezıdent N.Nazarbaevtyń bastamasymen qolǵa alynǵan istiń oń nátıje bergenin atap ótti.

Aıta keteıik, Tuńǵysh Prezıdent kúni qarsańynda qyzmettik mindetterin abyroımen atqaryp júrgen bir top ishki ister organdary qyzmetkerleri marapattaldy.

«Jergilikti polıtsııa qyzmeti basqarmasynyń ınspektory Marııa Gorbenko polıtsııa maıory atandy. Eki qyzmetker «Quqyq tártibin qamtamasyz etýge qosqan úlesi úshin» medalimen, 3 qyzmetker «Іshki ister organdarynyń úzdigi» tósbelgisi jáne 2 polıtsııa qyzmetkeri QR ІІM gramotasymen marapattaldy. Sondaı-aq, 4 qyzmetkerge QR ІІM Alǵys hat tabys etilip, úsheýine alǵys jarııalandy», - dedi oblystyq PD baspasóz qyzmetiniń jetekshisi Erbolat Sarqulov.

Aıta keteıik, merekege oraı 7 qyzmetkerge polıtsııa departamentiniń gramotasy, 12-ne alǵys hat tabys etilip, 81-ne alǵys jarııalandy. Keıin polıtsııa qyzmetkerleri men oblystyq halyq shyǵarmashylyǵy úıi kórkemónerpazdarynyń qatysýymen patrıottyq ánder shyrqalyp, merkelik kontsert kópshilik nazaryna usynyldy.