Tuńǵysh Prezıdent qory koronavırýspen kúreske 200 mln teńge bóledi

NUR-SULTAN. QazAqparat - Tuńǵysh Prezıdent qory tótenshe jaǵdaıdaǵy halyqty qoldaý úshin 200 mln teńge bóledi, dep habarlaıdy QazAqparat Elbasynyń baspasóz hatshysy Aıdos Úkibaevqa silteme jasap.

«Nursultan Nazarbaevtyń tapsyrmasymen Tuńǵysh Prezıdent qory koronavırýs ınfektsııasymen kúreske jáne tótenshe jaǵdaı kezinde halyqqa qoldaý kórsetý úshin 200 mln teńge bóledi», - dep jazdy Aıdos Úkibaı Twitter paraqshasynda.

Eske sala keteıik, buǵan deıin Nur Otan partııasy jalǵyzbasty qarttar, múgedekter men kópbalaly otbasylarǵa kómek retinde 150 mln teńge baǵyttaǵan edi.