Tuńǵysh Prezıdent keńsesiniń qyzmetkerleri basqa uıymdarǵa aýysady

ASTANA. QazAqparat – Premer-Mınıstrdiń orynbasary–Qarjy mınıstri Erulan Jamaýbaev Tuńǵysh Prezıdent keńsesiniń qaıta qurylymdaýdan ótip jatqanyn aıtty, dep habarlaıdy QazAqparat tilshisi.

«Qazirgi kezde atalǵan keńseni qaıta qurylymdaý júrip jatyr. Ondaǵy qyzmetkerlerdiń bir bóligi basqa uıymdarǵa aýysady, al taǵy bir bóligi qysqarýǵa jatady», - dedi E.Jamaýbaev Májiliste tilshilerdiń suraǵyna jaýap bere otyryp.

Bul turǵyda mınıstr endi ondaı keńse bolmaıtynyn aıtty.

«Ol keńse qaıta qurylymdaý protsesinen ótip jatyr. Bir jarym aıdyń ishinde bul másele sheshiledi dep oılaımyn», - dedi vedomstvo basshysy.