Tuńǵysh Prezıdent atyndaǵy saıabaqta «Almatym júregimde» atty ánder baıqaýy ótedi
ALMATY. 2 qyrkúıek. QazAqparat /Ádilet Musahaev/ - 10 qyrkúıekte Qazaqstan Respýblıkasynyń Tuńǵysh Prezıdenti atyndaǵy saıabaqta «Almatym júregimde» atty Almaty týraly ánderdiń baıqaýy ótedi.
Qala kúni qarsańynda elge tanymal ánshilerdiń, sondaı-aq ónerdiń tabaldyryǵyn endi ǵana attaǵan jas oryndaýshylardyń, mýzykanttar men ánniń mátinin jazýshy aqyndardyń osy baıqaýǵa belsene qatysýy arqasynda Almaty týraly jańa ánder paıda bola bastady.
Konkýrs jas daryndy kompozıtorlar men jas oryndaýshylardy anyqtap, olarǵa qoldaý kórsetip, qazirgi mýzykantardyń, aqyndardyń qarym-qabiletin shyńdaı túsýge jáne súıikti qalamyz týraly jańa ánderdi ómirge ákelýlerine oıdaǵydaı yqpal etý maqsatynda ótkizilmek.
Baıqaý aıasynda qazaqstandyq estada juldyzdarynyń kontserttik baǵdarlamalary usynylmaq.
