Tuńǵysh qorǵanys mınıstri, armııa generaly S. Nurmaǵambetov týraly derekti fılmniń tanystyrylymy ótti
Aıtýly tulǵanyń ómiri men qyzmetinen syr shertetin fılmdi tamashalaýǵa Qazaqstandaǵy UOS ardagerleri, QR Qarýly kúshteriniń generaldary, «Arystan» áskerı mektebiniń oqýshylary, jas býyn ofıtserler, Baýyrjan Momyshuly atyndaǵy áskerı mekteptiń tárbıelenýshileri keldi.
«Fılmde bul kisiniń ómir tarıhy, qıyn-qystaý qyzmeti sýretteledi. Ol kisi jas kezinde soǵysqa suranyp attanǵan. Kavkazdan bastap, Berlınge deıingi jerdi jaıaý júrip ótken. Tek áskerı adam emes, sheber uıymdastyrýshy, bolashaqty durys boljaı alatyn strateg, iri mámileger adam bolǵan. Ekinshi dúnıejúzilik soǵystyń bitkenine 65 jyl tolýyna oraı Nıý-Iorkte BUU minberinde Saǵadat Nurmaǵambetov Keńes Odaǵynyń TMD elderiniń UOS qatysqandarynyń atynan sóz sóıledi. Bul óte úlken mártebe, dáreje. 21 jasynda Keńes Odaǵynyń Batyry ataǵyn alǵan ataqty generaldyń ómiri myna otyrǵan jastarǵa úlgi bolady degen úmittemin», - dedi «Generaldar keńesi» respýblıkalyq qoǵamdyq uıymy prezıdıýmynyń tóraǵasy, ádilet general-maıory, professor Rústem Qaıdarov.
Onyń aıtýynsha, QR «Generaldar keńesi» respýblıkalyq qoǵamdyq uıymy prezıdıýmy 2012 jyly Uly Otan soǵysyna qatysqan 3 qazaq generaly týraly fılm túsirýdi bastaǵan.
Keńes Odaǵynyń 2 márte batyry, áskerı ushqysh Talǵat Bıgeldınov pen KSRO ІІM generaly Ábdiqadyr Bolsambekov týraly derekti týyndylar jaqyn arada elimizdiń basqa qalalarynda kórsetiletin bolady.
