Tuńǵysh Ertis mańy Sabantoıyna Tatarstan basshysy qatyspaq

NUR-SULTAN. QazAqparat - Tuńǵysh Ertis mańy Sabantoıy Abaı oblysynda ótedi. Merekege Tatarstan basshysy Rýstam Mınnıhanov ta qatysady dep josparlanýda, dep habarlaıdy QazAqparat óńirlik ákimdiktiń baspasóz qyzmetine silteme jasap.

Osy oraıda Tatarstan Respýblıkasy Premer-Mınıstriniń orynbasary Vasıl Shaıhrazıev pen Abaı oblysynyń ákimi Nurlan Uranhaev Sabantoıdy uıymdastyrýdy talqylady.
Kezdesý barysynda Nurlan Uranhaev Qazaqstan men Tatarstandy burynnan iskerlik jáne mádenı qatynastar baılanystyryp kele jatqanyn atap ótti. Sondaı-aq, ınvestıtsııalyq jobalar iske asyrylýda.
«Tatarlar men qazaqtar - týǵan aǵaıyndar, bizde ortaq kóp nárse bar. Biz ártúrli saladaǵy qazaqstandyq áriptesterimizdiń ozyq tájirıbesin árqashan qabyldaımyz. Munda eki júz myńnan astam tatarlar beıbitshilik pen kelisimde ómir súredi. Sondyqtan alǵashqy Ertis sabantoıyn ótkizý bizdiń halyqtarymyzdy odan ári jaqyndastyra túsedi», - dep atap ótti kezdesýde Vasıl Shaıhrazıev.