Tuńǵysh «Agrosaýat» ortalyǵyn ashýǵa Merki aýdanynyń tańdalýy kezdeısoq emes —Eldar Jumaǵazıev
ASTANA. KAZINFORM — Qazaqstandaǵy alǵashqy «Agrosaýat» oqý-ádistemelik ortalyǵy Jambyl oblysynyń Merki aýdanynda ashyldy. Bul aýdannyń aýyl sharýashylyǵy áleýeti joǵary jáne tabıǵı jaǵdaılary qolaıly.
«Agrosaýat» ortalyǵyn ashý úshin nelikten Merki aýdany tańdalǵanyn AMANAT partııasy túsindirip berdi.
«Merki aýdanynyń tańdalýy kezdeısoq emes. Bizdiń sarapshylar eldegi árbir aýyldyq okrýgke skrınıng júrgizip, ekonomıkalyq perspektıvasyna taldaý jasady. Osylaısha, Merki aýdanynda 9 baǵytta taýar óndirip, adamdardyń tabysyn kóbeıtý múmkindigi baryn anyqtadyq. Qazir sol 9 baǵyt boıynsha ortalyqta oqytý bastalyp ketti» - dep atap ótti Eldar Jumaǵazıev.
AMANAT partııasy aýyl sharýashylyǵyn damytýǵa jáne halyqtyń ómir súrý deńgeıin jaqsartýǵa belsendi túrde atsalysyp keledi. Bul bastama aýyl turǵyndarynyń ómirin jaqsartyp, eldiń ekonomıkalyq bolashaǵyn nyǵaıtýǵa baǵyttalǵan.
