«Túngi stýdııada»: Baıan Esentaevanyń jańa jobasynyń tusaýy kesiledi
ASTANA. QazAqparat - Qarashanyń 30 juldyzynda alǵash ret, tek «Qazaqstan» arnasynda «Túngi stýdııada» Baıan Esentaeva óziniń jańa er balalardan quralǵan mýzykalyq tobymen tanystyrmaq.
Halyqtyń súıikti telejúrgizýshisi jáne prodıýseri Baıan Esentaeva osydan biraz ýaqyt buryn erler quramynan turatyn mýzykalyq topqa prodıýserlik etýdi bastaǵan bolatyn. Biraq osy kúnge deıin barshamyzǵa jańa toptyń quramy jaıynda aqparat beımálim boldy.
Osy keshte Baıan óziniń jańa tobymen kórermender aldynda arnaıy «Túngi stýdııa» baǵdarlamasy úshin ózin erekshe stılimen tańqaldyrmaq. Baıan Esentaeva jańa toptyń shyǵarmashylyǵymen jaqyn arada tanystyratynyna ýáde berdi.
«Al biz óz kezegimizde «Kazaqstan» arnasynyń kórermenderine Baıan Esentaevanyń Boysband quramynda kim bolady eken degen suraqqa jaýap alý úshin 30 qarasha kúni 23.00-de «Túngi stýdııada» baǵdarlamasyn jiberip almaýǵa keńes beremiz!», - delingen baspasóz habarlamasynda.
