«Túngi stýdııa» men «Senbilik shoý» baǵdarlamalarynyń jańa júrgizýshileri kim
ASTANA. QazAqparat - «Qazaqstan» ulttyq telearnasyndaǵy úlken tanymaldylyqqa ıe «Túngi stýdııa» baǵdarlamasynyń jańa júrgizýshisi belgili boldy, dep habarlaıdy «QazAqparat» HAA tilshisi.
«Aldaǵy ýaqytta keıbir baǵdarlamalardy jańa formatta shyǵarmaqpyz. Ásirese, «Túngi stýdııa»... Jýyqta ózderińiz biletindeı, ol baǵdarlamanyń júrgizýshisi aýysty. Endi ol jańa júrgizýshimen shyǵatyn bolady. Sonymen birge, baǵdarlamanyń formatyna shaǵyn ózgerister enedi. Bizdiń maqsat - «Túngi stýdııany» keń aýdıtorııaǵa, ásirese jastarǵa baǵyttaý», - dedi «Qazaqstan» RTRK» AQ Basqarma tóraǵasy Erlan Qarın «Qazmedıada» ótken baspasóz máslıhatynda.
Sonymen birge, Erlan Qarın baǵdarlamany júrgizetin shoýmenniń de atyn atady.
«Túngi stýdııa» baǵdarlamasynyń jańa júrgizýshisi - elimizge tanymal ıýmorıst Qaırat Ádilgereı. Menińshe, Qaıratpen birge baǵdarlama jańa lepke ıe bolady dep úmit artamyz», - dedi «Qazaqstan» telearnasynyń tóraǵasy.
Sonymen qatar, belgili bolǵandaı «Senbilik shoý» baǵdarlamasynyń da júrgizýshileri aýysyp jatyr. Atalmysh baǵdarlamada negizgi júrgizýshi - Tursynbek Qabatov bolmaq.
