Túngi órtten 50 jastaǵy elordalyq opat boldy
ASTANA. 11 qańtar. QazAqparat - Búgin túnde Astana qalasynyń avtomatıka aýylyndaǵy 16 páterlik 2 qabatty turǵyn úıden órt shyqty, dep habarady QR TJM baspasóz qyzmetinen.
Órt búgin túngi saǵat 2:40-ta 2-shi qabattaǵy páterlerdiń birinen shyqqan. Oqıǵa ornyna jetken órt sóndirýshiler brıgadasy 10 adamdy, onyń ishinde 4 balany qaýipsiz jerge kóshirip, tilsiz jaýdyń betin 20 mınýttyń ishinde qaıtardy. Ókinishke oraı 5 sharshy metr aýmaqty sharpyǵan tilsiz jaý 50 jastaǵy azamattyń ómirin jalmady.
Dál osyǵan uqsas oqıǵa tańǵa jaqyn Qaraǵandy oblysyna qarasty Temirtaý qalasynda da oryn aldy. Qalanyń Respýblıka dańǵyly boıynda ornalasqan 5 qabat úı páterleriniń biri órtke orandy. Shuǵyl arada oqıǵa ornyna kelgen órt sóndirý qyzmeti 15 adamdy, onyń ishinde 5 balany qaýipsiz jerge shyǵardy. Degenmen, órt saldarynan 67 jastaǵy zeınetker o dúnıelik boldy.
