Túngi klýbta tóbelesken polıtseı sheninen aıyryldy
QOSTANAI. QazAqparat - Qostanaıda túngi klýbtyń kúzetshisimen tóbelesken polıtsııa maıory Erlan Eltúzerovke qatysty sot úkimi shyqty, dep habarlaıdy QazAqparat oblystyq sottyń baspasóz qyzmetine silteme jasap.
Іs derekterinde kórsetilgendeı, oqıǵa 2017 jylǵy qarasha aıynda bolǵan. Qostanaı qalalyq ІІB «Ońtústik» bólimshesiniń bastyǵy, polıtsııa maıory Eltúzerov tanysymen birge túngi klýbtyń meımanhanasynda ishimdik ishken. Munan soń olar restobarǵa kelgen.
«Restobarda qyzmet dárejesin paıdalanǵan E.S. Eltúzerov kúzetshi A.I. Ýsenko tarapyna balaǵat sózder aıtyp, oǵan keýde tusynan qasaqana birneshe soqqy jumsaǵan», - deıdi oblystyq sottyń baspasóz qyzmetindegiler.
Qostanaı qalasynyń №2 sotynyń úkimimen polıtsııa maıory Erlan Eltúzerov kináli dep tanyldy. Ol qylmystyq zańbuzýshylyqqa jol bergeni úshin 500 AEK kóleminde aıyppul tóleıdi. Sondaı-aq, sot ony polıtsııa maıory sheninen aıyryp, 5 jylǵa memlekettik qyzmet jumysyn atqarý quqyǵynan shettetti.
