Túngi klýbta atys bolyp, 15 adam jaralandy
ASTANA. QazAqparat - Belgisiz bireýler Maıamıde (Florıda shtaty) túngi klýbtardyń birinde oq jaýdyrdy. Jergilikti polıtsııa ókilderiniń habarlaýynsha, 11 men 25 jas aralyǵyndaǵy 15 adam jaralanǵan.
Bul keleńsiz jaǵdaıǵa ne sebep bolǵany ázirge belgisiz. Tártip saqshylary oq atqandardyń qansha adam ekendigin, nelikten túngi klýbta jasóspirimder men balalardyń kóp bolǵandyǵyn bilmekke áreket jasaýda. Zardap shekkender aýrýhanaǵa jetkizildi. Dárigerlerdiń sózderine qaraǵanda, jaralanǵandardyń biriniń jaǵdaıy asa aýyr.
