«Túngi qaladaǵy balalar» aktsııasynyń barysynda 4 myńǵa jýyq tártip buzýshylyq anyqtaldy - QR ІІM
ASTANA. 26 sáýir. QazAqparat - Іshki ister mınıstrligi múddeli memlekettik organdarmen birlesip, aǵymdaǵy jyldyń 18-26 sáýir aralyǵynda respýblıka aýmaǵynda «Túngi qaladaǵy balalar» aktsııasy ótkizildi.
ІІM Ákimshilik polıtsııa komıtetiniń baspasóz qyzmeti málim etkendeı,aktsııanyń maqsaty jasóspirimder arasyndaǵy quqyq buzýshylyqtardyń aldyn alý, balalar men jasóspirimderdiń túngi ýaqytta oıyn-saýyq mekemelerinde jáne turǵyn úı-jaılardan tys jerlerde bolýyna jol bermeý bolyp tabylady.
Aktsııany ótkizýge 14 myńnan astam adam, onyń ishinde jergilikti atqarýshy organdardyń, prokýratýra, sot, bilim berý, densaýlyq saqtaý, ishki ister organdarynyń, ata-analar komıtetiniń, úkimettik emes uıymdardyń, buqaralyq aqparat quraldarynyń, sondaı-aq «Nur Otan» HDP jastar qanaty fılıaldarynyń ókilderi jumyldyrylǵan.
«Túngi qaladaǵy balalar» aktsııany ótkizý kezeńinde kámeletke tolmaǵandardyń arasynda quqyq buzýshylyqqa baǵyttalǵan 10 myńnan astam dáris respýblıkanyń bilim berý mekemelerde ótkizildi.
Túngi ýaqytta 5 myńnan astam oıyn-saýyq mekemeler tekserildi, olarda kámeletke tolmaǵandardyń bolýyna 203 fakt jáne turǵyn úı-jaıdan tys jerlerde bolýymen baılanysty 4007 quqyq buzýshylyq anyqtaldy. Oıyn-saýyq mekemelerdiń ıeleri men anyqtalǵan balalardyń ata-analary ákimshilik jaýapkershilikke tartyldy.
Qorytyndy kezeńde, aǵymdaǵy jyldyń 25-26 sáýir aralyǵynda ІІD, KІІD, ІІB, qalalyq, aýdandyq ishki ister organdary bazasynda ákimdikterdiń, sottardyń, prokýratýra, bilim berý, densaýlyq saqtaý, qamqorlyq jáne qorǵanshylyq organdarynyń, ata-analar komıtetteriniń, «Nur Otan» HDP jastar qanaty fılıaldarynyń, úkimettik emes uıymdardyń basshylaryn, sondaı-aq mektep jáne kolledj dırektorlaryn shaqyra otyryp, birlesken keńester ótkizildi, aktsııanyń qorytyndylary qaralyp, oqýshylardyń arasynda quqyq buzýshylyqtyń aldyn alýǵa kámeletke tolmaǵandardyń arasynda quqyq buzýshylyqtyń aldyn alý máseleleri boıynsha memlekettik jáne úkimettik emes organdar men vedomstvolardyń ózara is-qımyl jasasýynyń tıimdiligin arttyrýǵa baǵyttalǵan uıymdastyrýshylyq-praktıkalyq sharalar ázirlendi.
