Túngi aýysym áıel densaýlyǵyna qaýipti
ASTANA. 31 mamyr. QazAqparat - Túngi mezgilde jumys isteıtin áıelder qaterli isik qaýpine tózimsiz adamdar tobyna jatady. Danııalyq obyr qoǵamy 18 500-den astam áıeldiń málimetin taldaý nátıjesinde osyndaı qorytyndyǵa keldi.
Bul týraly Alash aınasy gazetine silteme jasap, BNews.kz habarlaıdy.
The Daily Mail-dyń habarlaýynsha, qoǵamdyq birlestik 1964-1999 jyldary áskerı mekemelerde qyzmet etken áıelderdiń densaýlyǵyn teksergen. 1990-2003 jyldary olardyń 218-inen qaterli isik belgisi anyqtalypty. Taldaýdyń nátıjesinde obyrǵa shaldyqqandardyń 40%-ynyń túngi aýysymda jumys isteıtini belgili boldy. Aptasyna túngi aýysymda eki ret jumys isteıtin áıelderdiń aýrý kórsetkishi eki ese joǵary bolyp shyqty. Ǵalymdardyń aıtýynsha, buǵan aǵzaǵa jasandy jaryq pen uıqynyń qalypty kestesiniń buzylýy sebep. Bul faktorlar qaterli isikti boldyrmaıtyn melatonın zatynyń ónýine kedergi keltiredi.
