Túngi jol – saqtyq synalar sát: QazAvtoJol júrgizýshilerge eskertý jasady
ASTANA.KAZINFORM - Qarańǵy túsken shaqta jol ústindegi ahýal ózgeshe sıpat alady. Kórý múmkindigi shektelip, araqashyqtyqty dál baǵalaý qıyndaıdy. Al júrgizýshiniń sergektigi de báseńdeı túsedi.
Sondyqtan túngi saparǵa attanar aldynda kóliktiń tehnıkalyq jaı-kúıin jiti tekserip, jolǵa tyńǵylyqty daıyndalý – árbir júrgizýshiniń azamattyq paryzy.
QazAvtoJol jolǵa shyǵar aldynda faralardyń, burylys jáne tejeý shamdarynyń, áınek tazalaǵyshtardyń, aınalardyń durys jumys istep turǵanyna kóz jetkizýge shaqyrdy.
Áınek jýý suıyqtyǵynyń jetkilikti bolýy da mańyzdy. Jol ústinde qaýipsiz jyldamdyqty saqtap, araqashyqtyqty ulǵaıtyp, artyq alańdatatyn áreketterden, ásirese telefon qoldanýdan aýlaq bolǵan jón. Sharshaý belgisi baıqalsa, ýaqytyly toqtap, tynyǵyp alý – qaýipsizdiktiń kepili.
Qarsy baǵyttan kele jatqan kóliktiń jaryǵy kózdi qaryqtyrǵan jaǵdaıda, jaryqqa tikeleı qaramaı, baǵdardy joldyń oń jaq jıegimen ustaǵan abzal. Jyldamdyqty birqalypty tómendetip, kenet manevr jasaýdan saq bolyńyz.
Umytpaǵan jón: túngi jolda asyǵystyqqa jol joq. Birer mınýt únemdeý úshin qaýipke bas tigýdiń qajeti shamaly. Ózińizdiń de, ózgeniń de amandyǵy –ortaq jaýapkershilik. Jol qozǵalysy qaǵıdalaryn buljytpaı oryndaý – qaýipsizdiktiń basty kepili.
Aıta keteıik, Qazaqstandaǵy jol apattarynyń 91%-y júrgizýshilerdiń kinásinen bolady.
