10:12, 02 Jeltoqsan 2025 | GMT +5
Tún jarymynan keıin jyldamdyqty asyrǵan júrgizýshilerge aıyppul salyna ma
ASTANA. KAZINFORM — ІІM áleýmettik jelide taraǵan túngi ýaqytta ruqsat etilgen jyldamdyq 66 km/saǵ bolady degen habarlama jalǵan ekenin habarlady.
— «00:00-den keıin ruqsat etilgen jyldamdyq 66 km/saǵ bolatyny» jóninde taralyp jatqan habarlama feık. Mundaı ózgerister engizilgen joq, — delingen habarlamada
Eldi mekenderde jeńil avtokólikter úshin ruqsat etilgen standartty jyldamdyq — 60 km/saǵat. Kameralar jyldamdyqty 70 km/saǵ jáne odan joǵary bolǵan kezde ǵana tirkeı bastaıdy.
— Tekserilmegen habarlamalarǵa senbeńizder, resmı aqparatqa júginińizder. Jol júrisi qaǵıdalaryn saqtap, muqııat bolyńyzdar, — delingen ІІM habarlamasynda.
Aıta ketelik aqyly joldarda jyldamdyqty asyrý faktilerin tirkeý bastalǵany týraly jazǵan edik.