Túngi tenderlerge tyıym salyndy: Qazaqstanda memlekettik satyp alýdyń jańa erejesi engizildi
ASTANA. KAZINFORM — QR Qarjy mınıstrligi memlekettik satyp alý júıesin jetildirýge baǵyttalǵan birizdi jumysty júrgizip keledi. Aıtalyq, Elektrondy dúkenniń qyzmetin jaqsartý boıynsha sharalar qabyldandy.
Satypalym protsesinde barlyǵyna teń múmkindik berý men taýarlardy qymbat baǵamen satyp alýdy tejeý úshin mindetti túrde aldyn ala tapsyrysty resimdeý tártibi qarastyrylǵan.
Budan bólek túrli taýarlardy biriktirilgen lotqa qosýdyń aldyn alǵan naqty jaǵdaılar baıqalǵan. Tapsyrysty rásimdeýdiń ár nusqasy boıynsha qajetti is-qımyldyń naqty tártibi bar.
— Osy rette jumystan tys (túngi) ýaqytta tapsyrysty rásimdeýge jol bermeý úshin atalǵan protsess saǵat: 08.00-20.00 deıin júzege asyrylatynyn aıta keteıik, — delingen mınıstrliktiń habarlamasynda.
Tıisti buıryq 2025 jyldyń 19 jeltoqsanynan bastap kúshine endi.
Bul ózgerister ashyqtyqty arttyryp, protsestiń barlyq qatysýshysyna túsinikti júıeni qurýdy kózdeıdi.
Aıta keteıik, artyq shyǵyndardy azaıtý úshin memlekettik satyp alý erejeleri ózgertildi.