Túngi reıster, tómen jalaqy: Qazaq Air ushqyshtary basshylyǵyna úndeý jasady

ASTANA. KAZINFORM — Qazaq Air áýe kompanııasynyń pılottary kompanııa basshylyǵyna úndeý jasap, jalaqy, jumys júktemesi máselesin kóterdi, dep habarlaıdy Kólik mınıstrliginiń baspasóz qyzmeti.

Mınıstrlik taratqan aqparatqa sáıkes málimdemede qoıylǵan negizgi talaptar mynandaı:

• túngi reıster úshin tólem júıesin qaıta qaraý,
• komandırlerdiń jalaqysyn kóterý,
• ekinshi pılottardyń jalaqysyn kóterý jáne barlyq pılottar úshin tólemdi arttyrý.

— Qazaqstan Respýblıkasynyń Kólik mınıstrligi áýe kompanııasynan bul málimdemeni eldiń qoldanystaǵy zańnamasyna sáıkes qaraýdy talap etedi, — delingen vedomstvo habarlamasynda.

Kólik mınıstrliginiń málimetinshe, Qazaq Air áýe kompanııasynyń 49%-y Sovico tobyna, taǵy 49%-y Samuryq Qazynaǵa, al 2%-y Kazasia Holding Limited kompanııasyna tıesili.

Budan buryn habarlanǵandaı, 11 qazanda Qostanaı áýejaıynda Qostanaı – Astana baǵytyndaǵy Qazaq Air ushaǵy  áýege kóterilgen kezinde ushaqtyń shassı dóńgelegi jana bastaǵan.