Túngi qaladaǵy balalar: Astanada balalar men jasóspirimderdiń qaýipsizdigi tekserildi
ASTANA. KAZINFORM - Astanada kámeletke tolmaǵandar arasyndaǵy quqyq buzýshylyqtar men qylmystardyń, sol sııaqty balalardyń qadaǵalaýsyz jáne baqylaýsyz qalýynyń aldyn alý maqsatynda «Túngi qaladaǵy balalar» jedel aldyn alý is-sharasy ótkizildi, dep habarlady elorda ákimdiginiń resmı saıty.
Túngi qaladaǵy balalar» jedel aldyn alý is-sharasyn ótkizý kezinde Almaty jáne Nura aýdandarynyń PB JPQB ıÝPB qyzmetkerleri kámeletke tolmaǵandardy, ІІO esebinde turǵan qolaısyz otbasylardy, sondaı-aq ómirlik qıyn jaǵdaılardaǵy otbasylardy turǵylyqty jeri boıynsha tekserdi. Sondaı-aq kámeletke tolmaǵandardyń túngi ýaqytta turǵyn úıden tys jerde, oıyn-saýyq oryndarynda zańdy ókilderiniń erip júrýinsiz bolýyna jol berý faktilerin anyqtaý maqsatynda reıdtik is-sharalar júzege asyryldy.
Іs-sharaǵa Nura jáne Almaty aýdany ákimdikteriniń qyzmetkerleri, qalalyq Polıtsııa departamentiniń ıývenaldy polıtsııa bólimi, Bilim basqarmasy jáne elorda ákimdiginiń Áıelder isteri jáne demografııalyq saıasat, kámeletke tolmaǵandar isteri jáne olardyń quqyqtaryn qorǵaý jónindegi komıssııa ókilderi qatysty.
Іs-shara barysynda polıtsııa basqarmasyna 94 jasóspirim jetkizildi. 88 adam ákimshilik jaýapkershilikke tartyldy, onyń ishinde QR ÁQBtK-niń 442-baby 2,3-bóligi boıynsha (kámeletke tolmaǵandardyń zańdy ókilderiniń erip júrýinsiz túngi ýaqytta turǵyn úıden tys jerde bolýy) – 68. 12 kámeletke tolmaǵan ІІO-ǵa ornalastyryldy.
Astana ákimdiginiń Áıelder isteri jáne otbasylyq-demografııalyq saıasat jónindegi komıssııasynyń hatshysy Qarlyǵash Sárkenovanyń aıtýynsha, kámeletke tolmaǵan balalar arasyndaǵy quqyq buzýshylyqtardyń aldyn alý jáne olardyń quqyqtaryn qorǵaý máseleleri komıssııanyń erekshe baqylaýynda.
Aıta keteıik, bul is-shara jyl sońyna deıin Astana qalasynyń barlyq aýdandarynda jalǵasatyn bolady.
Eske salsaq, Qazaqstan Respýblıkasynyń Ákimshilik quqyq buzýshylyq týraly Kodeksiniń 442-babyna sáıkes, 22.00-den 6.00-ge deıin kámeletke tolmaǵandardyń zańdy ókilderiniń qaraýynsyz oıyn-saýyq oryndaryna barýyna tyıym salynǵan, sondaı-aq 23.00-den 6.00-ge deıin kámeletke tolmaǵandardyń turǵyn úıden zańdy ókilderiniń erik júrýinsiz shyǵýyna tyıym salynady.