Túnde jumys istegen elordadaǵy oıyn klýbynda 24 adam bolǵan
NUR-SULTAN. QazAqparat - Túnde jumys istegen elordadaǵy oıyn klýbynda 24 adam bolǵan, dep habarlaıdy QazAqparat qala ákimdigine silteme jasap.
Elordada polıtsııa qyzmetkerleri, eriktiler jáne ákimdik ókilderiniń saýda ortalyqtaryna, dúkenderge jáne basqa da adam kóp jınalatyn jerlerge reıd júrgizip keledi
Іs-sharalar koronavırýs ınfektsııasynyń taralýyn boldyrmaý maqsatynda ótkiziledi. Karantınniń kúsheıtilgendigine qaramastan birqatar mekeme talapty elemeı otyr. 12 qarashada saǵat 23:50-de mobıldi top kesteni buzyp jumys istep jatqan Respawn oıyn klýbyn anyqtady. Mekemede 24 adam bolǵan. Osyndaı zań buzýshylyq 13 qarashada saǵat 01:20-da «Kentaý» dúkeninde tirkeldi.
Kásip ıelerine qatysty jınalǵan materıal protsessýaldyq sheshim qabyldaýǵa jiberildi.
Jalpy alǵanda, 11 qarashadaǵy jaǵdaı boıynsha Nur-Sultan qalasynyń taýarlar men qyzmetter sapasy men qaýipsizdigin baqylaý komıtetiniń aýdandyq basqarmalaryna karantındi buzǵan adamdarǵa qatysty aýdandyq polıtsııa basqarmalarynan 1 981 materıal kelip túsken. Jalpy somasy 184 370 856 teńgege 905 jeke, laýazymdy jáne zańdy tulǵalar ákimshilik jaýapkershilikke tartyldy.
Búgingi tańda 717 ákimshilik aıyppul, jalpy somasy 146 574 535 teńge tólendi.
