Túnde Syrdarııada júzbek bolǵan jigitti tótenshelikter qutqardy
Tótenshe jaǵdaılar qyzmetine 23 tamyzda saǵat 00.55-te shaqyrtý tústi. Onda oblys ortalyǵyndaǵy sol jaǵalaýǵa baratyn kópirdiń astynda 1998 jylǵy azamattyń sýǵa túsip, jaǵaǵa jete almaı qalǵany jóninde aıtylǵan.
«Oqıǵa ornyna jedel qutqarý jasaǵynan 5 qutqarýshy 1 úrlemeli qaıyq jáne 1 tehnıkamen bardy. Oqıǵa ornyna barǵannan keıin qutqarýshylar Syrdarııa ózenindegi kópirden shamamen 300 metr jerden jaǵalaýǵa shyǵa almaı qalǵan adamdy anyqtady. Túngi sýyqta tońyp qalǵan ony qutqarýshylar zembilmen tasymaldap, jedel járdem qyzmetkerlerine tapsyrdy», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Eske salsaq, budan buryn eki jasóspirim qyz bala kanalǵa batyp ketti.
